We’ve updated our Terms of Use to reflect our new entity name and address. You can review the changes here.
We’ve updated our Terms of Use. You can review the changes here.

Ganz Goot

by Die Tüdelband

/
  • Compact Disc (CD) + Digital Album

    *DEUTSCH*
    Die CD kommt in einem Paper Sleeve mit Artwork (Cover und Rückseite) und Booklet mit allen Texten auf Platt- und Hochdeutsch.
    - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -
    *ENGLISH*
    CD in a Paper Sleeve with an Artwork (Cover and Back) and a Booklet, including all lyrics in Plattdeutsch (Lower German) and German.

    Includes unlimited streaming of Ganz Goot via the free Bandcamp app, plus high-quality download in MP3, FLAC and more.
    ships out within 7 days
    Purchasable with gift card

      €15 EUR or more 

     

  • Streaming + Download

    Includes unlimited streaming via the free Bandcamp app, plus high-quality download in MP3, FLAC and more.

    *plus* booklet as high-resolution 300dpi PDF file.
    - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -
    *DEUTSCH*
    Sofortiger Download des vollständigen Albums (u.a. als MP3 oder FLAC) sowie unbegrenzter mobiler Zugang über die Bandcamp App *plus* Booklet als hochauflösende 300dpi PDF-Datei.
    Purchasable with gift card

      €10 EUR  or more

     

  • Full Digital Discography

    Get all 10 Die Tüdelband releases available on Bandcamp and save 25%.

    Includes unlimited streaming via the free Bandcamp app, plus high-quality downloads of Festen an'n Haven, Dien Hart, AHAB, Live op Amrum, Ganz Goot, Bi mi tohuus, Sommerkinner, Op de Reeperbahn, and 2 more. , and , .

    Purchasable with gift card

      €51 EUR or more (25% OFF)

     

1.
Tohuus 03:30
Vele Öörd, vele Wöör, de ehr Bedüden ik nich kenn. In mi wasst wat. Klene Unrohstifter nehmt mien Magen in. Ik föhl mi eensam mang all de Minschen, Heimwehmoot alleen. De Anker is lang licht. In enen Haven fohr ik jümmer wedder rin. Tohuus is dor, wo mien Hart sleit. Tohuus is dor, wo mi dat goot geiht. De Bootssteg, wenn Winnen weiht, dat büst du.Vele Bläder, vele Twiegen hebbt de Bööm, de hier staht. Miene Fööt blievt an'n Bodden, slaat nu Wutteln in'n Grund. Ik mag rennen, schuckeln un verrückt ween, Feernwehmoot alleen. De wiede Welt will ik ümarmen. In enen Haven fohr ik jümmer wedder rin. Tohuus is dor, wo mien Hart sleit. Tohuus is dor, wo mi dat goot geiht. De Bootssteg, wenn Winnen weiht, dat büst du. Dien Blick dröppt mi. Du kickst mi in't Hart ahn Ümweg. Dat is so eenmalig ehrlich. Dat is so eenmalig ehrlich.
2.
Wenn ik swiegen will, sett ik mi an'n Elvstrandrand. Wenn ik tellen will, tell ik den Sand in miene Hand. Heff al dusend klene Stenen ümdreiht. Wenn ik snacken will, vertell mi wat vun diene Welt. Wenn ik danzen will, speel en Leed, dat mi gefallt. Wenn ik alleen ween will, warrst du mi hier nich sehn. Wenn di dat gefallt, denn bliev doch hüüt bi mi, denn bliev hüüt bi mi. Un de Schepen treckt so snell an uns vörbi,blots wi twee, blots wi twee. Bit dat de Maand verswinnt un de Sünn uns wedder lacht hebbt wi de Nacht to'n Dag maakt, blots wi twee, blots wi twee. Wenn ik free ween will, loop ik los un bliev nich stahn. Wenn ik drömen will, drööm ik mi dat Leven schöön. Heff al dusend grote Bööd fohren sehn. Un de Schepen treckt so snell an uns vörbi, blots wi twee, blots wi twee. Bit dat de Maand verswinnt un de Sünn uns wedder lacht hebbt wi de Nacht to'n Dag maakt, blots wi twee, blots wi twee.
3.
Ganz goot 03:37
Jede Dag is en lüttje Stück vun't Mosaik vun't Leven. Keen Dag is vergevens. Un jede Gedank, den du di dinken kannst, hett sien egen Biller, hett sien egen Glanz. Uns geiht't doch ganz goot mit dat, wo wi leevt, mit dat, wat wi hebbt. Wi hebbt so veel beleevt. Uns geiht't doch ganz goot. Un bi allens, wat swoor is, haap ik, dat du't dien Leevdag nich vergittst: Uns geiht't doch ganz goot. Jede Droom is en lüttje Spoor. Se föhrt to't Glück vun't Leven. Keen Droom is vegevens. Un jede Ümweg, den du nehmen kannst, hett sien egen Biller, hett sien egen Glanz. Uns geiht't doch ganz goot mit dat, wo wi leevt, mit dat, wat wi hebbt. Wi hebbt so veel beleevt. Uns geiht't doch ganz goot. Un bi allens, wat swoor is, haap ik, dat du't dien Leevdag nich vergittst: Uns geiht't doch ganz goot. Kloor, allens geiht noch veel beter, höger, sneller, wieder. Dat geiht woll ok armer, man ja ok jümmer rieker. Kloor, jeder hett sien Telen. Man wi wüllt so veel. Sünd wi eenmal tofreden?
4.
Lange Nacht 02:29
All lacht, all jumpt, all springt, all wüllt frohe Leder singen. Nich lang snacken. Kopp in'n Nacken! Ener seggt: Ik vertell jo enen Witz. All lacht al lang, hebbt de Pointe verschwitzt. Nich lang snacken. Kopp in'n Nacken! De Party löppt. Benny kümmt mi entgegen. He kann knapp noch stahn. Jens un Silke knutscht in'n Regen. Een lange Nacht. Wat ist dat? Dat is een lange Nacht. All danzt, all suupt, all gröölt, all wüllt sik as de Groten opspelen. Nich lang snacken. Kopp in'n Nacken! Een schreet: Lüüd, hebbt ji al hört... Keen weet, vun wat he snackt, keen hett dat stört. Nich lang snacken, Kopp in'n Nacken! Man de Party stiggt to ehren Piek, ik wedd, Jens hangt över de Toilett, Silke söcht een Kopppientablett. Een lange Nacht. Wat ist dat? Dat is een lange Nacht. Een lange Nacht. Harr ik nienich dacht, dat ik jümmer noch hier stah. Dat is een lange Nacht. Kiek mal, Benny is ok wedder dor. Een lange Nacht. Hebbt wi Atemlos nich graad even al höört? Dat is een lange Nacht. Dat mag ween, man keeneen hett dat stöört.
5.
Kumm mit na'n Haven, wi gaht an de See, seht den Wellen na bit Klock dree. Kumm mit, wi reist den Storm hinnerher, buten an't Meer, buten an't Meer. Wiet un siet keen Minsch to sehn, blots de Wind singt uns hüüt siene klene Melodie. Kumm mit na'n Haven, wi gaht an de See, seht den Wellen na bit Klock dree. Kumm mit, wi reist den Storm hinnerher, buten an't Meer, buten an't Meer. Graue Nacht liggt op dat Land. De letzten Lichter hoolt wi sülven in de Hand.
6.
Gliek 02:32
Vele Weeg liggt noch vör uns. Vele Weeg leden wi torüch. Vele Länner hebbt wi al sehn. Mal weer dat koolt, mal weer dat hitt. Vele Geschichten köönt wi vertellen. Vele Geschichten hebbt wi al höört. Vele Minschen hebbt wi dor drapen. All weren verscheden un all weren gliek. Se atent Lengen un Freden, Freeheit un Leevde. All weren gliek. Klene Kinner sünd wi mal ween. Klene Kinner sünd al lang groot. Un as Kinner kunnen wi dat licht verstahn: All weren verscheden un all weren gliek. Se atent Lengen un Freden, Freeheit un Leevde. All weren gliek.
7.
Koffer 02:44
Ik pack hüüt den Koffer för miene Reis op't Land, rut in de wiede Welt. So groot is mien Koffer, ik pack allens rin, wat mi in miene klenen Hannen fallt: de Popp vun Oma, de bruuk ik bestimmt, Zeddel un Stiften, de Klock, de so glimmt, en Beker mit Wörpels un, wiel ik dat mag, mien Töverdook mit mien Töverstaav. Ik pack hüüt den Koffer för miene Reis op't Land, rut in de wiede Welt. So groot is mien Koffer, ik pack allens rin, wat mi in miene klenen Hannen fallt: dat Book mit de Deerten, dat klene Gespenst, Bäll so bunt, dat du se glieks erkennst, en Feernrohr ut Papp un, wiel mi dat steiht, mien gelet Kleed, dat hett mi Mudders neiht.
8.
Jeden Dag 02:21
Lotta harr jümmer lange Hoor un een Dag sneed se se af. Peter harr jümmer en Geheemnis un een Dag nehm he't mit in't Graff. Hanne harr jümmer grote Telen un een Dag weren se bannig kleen. Jochen harr jümmer so'n Sorgen un een Dag leet he't eenfach ween. Wiel de Welt nich so blifft, as se is, köönt wi uns ännern jeden Dag, jeden Dag. Anna wull jümmer allens weten un een Dag weer ehr dat egal. Hinnerk wull Uwe jümmer küssen un een Dag wull ok Uwe mit'maal. Wiel de Welt nich so blifft, as se is, köönt wi uns ännern jeden Dag, jeden Dag, jümmer wedder, jümmer wedder nee.
9.
Reeperbahn 04:38
Sülvern klingt un springt de Hüer, hüüt speel ik dat feine Oos. Hüüt is di ok nix to düer, morgen geiht dien Reis ja los. Langsam bummel ik ganz alleen de Reeperbahn na de Freiheit rop. Draap ik enen Smucken, enen Flachskopp, den gavel ik mi op. Kumm doch, lever Klener, wees doch mien un segg nich nee. Du schasst bet morgen fröh Klock negen mien klener Leevster ween. Wenn du dat wullt, denn bün ik di tro, sogar bet Klock teihn. Haak mi ünner, wi bummelt tosamen maal loos, Kaptein. Op de Reeperbahn Klock halvig een, wat du'n Macker hest oder hest keen, amüseerst du di, un dat segg ik di, op de Reeperbahn Klock halvig een. 'Keen noch nie nich in so ene Nacht enen Reeperbahnbummel hett maakt, is een arme Wicht, se kennt di nich, mien St. Pauli, St. Pauli bi Nacht. Kümmst du torüch in't tokamen Johr, bruun brennt as dat is in Mood, heff ik miene blonden Hoor swatt farvt, villicht ok root. Gröt di denn een frömde Deern, du geihst vörbi un du kennst se nich, kümmt di villicht de Erinnerung wedder, wenn lies se to di sprickt.
10.
Droomfruu 02:59
eden Avend sitt ik hier, links an'n Tresen op mien Platz, smök Zigaretten, drink 'n Beer un fraag mi männichmal: Segg mal, fehlt di wat? In miene Drööm dükerst du op, man an'n Dag büst du nie dor, Droomfruu, oh man. Jo, de Fraag is nu, wenn un wo un wat överhaupt ik di finnen kann. Iris, giff mal noch'n Beer. Ach wat, ik nehm ok noch'n Schnaps. Lütt un Lütt, so seggt man hier. Un so maakt uns dat Leven Spaaß. In miene Drööm dükerst du op, man an'n Dag büst du nie dor, Droomfruu, oh man.Jo, de Fraag is nu, wenn un wo un wat överhaupt ik di finnen kann. Du seggst, ik schall ok bald na Huus. Een Beer noch, för den Weg. Iris, nu smiet mi doch nich rut! Oh, mit de Froonslüüd heff ik jümmer Pech. In miene Drööm dükerst du op, man an'n Dag büst du nie dor, Droomfruu, oh man. Jo, de Fraag is nu, wenn un wo un wat överhaupt ik di finnen kann.
11.
Leder 03:21
Du steihst vör de Döör, steihst en beten neven di. Un ik seh dat an dien Blick, bruukst keen Bewies un kene Wöör. Kumm eerstmal rin, ik kaak uns Tee. Tosamen kümmt allens op Stee. Laat uns Leder vun't Leven un vun't Starven singen. Laat uns lachen, laat uns wenen, laat uns Frünnen ween. Laat uns Leder vun't Leven un vun't Starven singen. Laat uns allens, allens, wat wi hebbt, mitnanner delen, allens, wat wi hebbt, mitnanner delen. Wenn ik keen Utweg seh, büst du de Minsch, to den ik gah. Du hest jümmer för mi Tiet. Denn deit allens nich mehr so weh. Kumm eerstmal rin, ik kaak uns Tee. Tosamen kümmt allens op Stee. Laat uns Leder vun't Leven un vun't Starven singen. Laat uns lachen, laat uns wenen, laat uns Frünnen ween. Laat uns Leder vun't Leven un vun't Starven singen. Laat uns allens, allens, wat wi hebbt, mitnanner delen, allens, wat wi hebbt, mitnanner delen.

credits

released November 18, 2016

Artwork: Timo Zett timozett.de
Mastering: Master & Servant Manufacturing www.master-servant.de

license

all rights reserved

tags

about

Die Tüdelband Hamburg, Germany

Die Tüdelband from Hamburg has been singing their authentic, handmade pop in Low German ("Plattdeutsch" or simply "Platt") since 2009, playing at festivals, in clubs and country inns.

contact / help

Contact Die Tüdelband

Streaming and
Download help

Report this album or account

If you like Die Tüdelband, you may also like: